Quen Somos
Quen Somos
Roberto Mera Covas Consultoría
En Roberto Mera Covas Consultoría, especializámonos na prestación de servizos xurídicos e na planificación estratéxica e operativa específicamente deseñados para o ámbito rural. Nosos clientes abranguen desde Comunidades de Montes Veciñais en Man Común ata colectivos sociais, Entidades Locais Menores e Concellos.
A nosa firma destaca por un enfoque colaborativo e multidisciplinar, traballando man a man con un diverso grupo de profesionais especializados. Esta sinerxia permite ofrecer unha gama completa de servizos adaptados ás necesidades complexas e variadas das zonas rurais. Nosos expertos teñen unha profunda experiencia en materias xurídicas e técnicas, especialmente en aspectos relacionados coa xestión de montes veciñais en man común, así como na planificación estratéxica e comunicación sociopolítica.
Comprometémonos con fortalecer o tecido asociativo e as comunidades rurais, asegurando e mellorando o seu futuro a través de estratexias ben fundamentadas. Ofrecemos servizos completos que inclúen desde a diagnose inicial ata a definición de liñas estratéxicas e obxectivos a curto, medio e longo prazo. Ademais, executamos accións concretas que xurdan da planificación estratéxica, sempre con un enfoque en potenciar a participación social e a organización territorial parroquial.
En Roberto Mera Covas Consultoría, estamos dedicados a construír un futuro sostible e próspero para o ámbito rural, apoiando a súa xente e as súas institucións a alcanzar os seus máximos potenciais.
Para Quen
Solucións adaptadas a cada necesidade
Os nosos servizos están deseñados para atender as necesidades de diversos grupos, con propostas específicas para cada un deles:
Poboación Xeral
Asesoramento xurídico básico
Comunidades de Montes Veciñais en Man Común (CMVMC)
Servizos integrais que inclúen o xurídico e a planificación estratéxica
Administracións Locais
Asistencia na planificación estratéxica e operativa
Asociacións e Organizacións Sociais
Soporte xurídico e estratéxico para o cumprimento de obxectivos
Perfil Profesional
Roberto Mera Covas
Licenciado en Dereito e Ciencias Politicas e da Administración pola Universidade de Santiago de Compostela. Técnico en Mobilidade pola Facultade Ágora (Deputación de Pontevedra).
Avogado e Politólogo
15 anos de experiencia (2010-2025) no ámbito do asesoramento legal e da avogacía. Especializado en Dereito Administrativo e Dereito Civil (no ámbito dos dereitos reais e o dereito de obrigas e contratos).
35 anos de experiencia (1990-2025) no campo sociopolítico, das organizacións sociais, da administración pública local (estratexia, planificación, xestión e comunicación) e dos procesos de participación social.
Formación específica e experiencia no ámbito do espazo público e da mobilidade.
Experiencia no ámbito da comunicación escrita e audiovisual.
Formación e experiencia de 12 anos no ámbito da produción, xerencia e comercialización de produción hortícola ecolóxica e do cooperativismo.
Equipo Experto
Colaboradores/as externos/as
En Roberto Mera Consultoría, contamos co apoio dun equipo de colaboradores/as externos/as altamente cualificados en diversas disciplinas, asegurando así un enfoque integral e especializado en cada proxecto. Estes profesionais achegan unha ampla experiencia e unha profunda comprensión nos seus respectivos campos, reforzando a nosa capacidade de ofrecer solucións completas e eficaces:
Mónica Velasco Pérez
especialista en Dereito Laboral, Mercantil e Civil de Familia e Sucesións.
Rita Pérez Vázquez
Enxeñeira Técnica Forestal, especializada en planificación forestal e obras e servizos no rural.
Miguel Mera Covas
Enxeñería Técnica Industrial, con longa experiencia en proxectos e consultoría técnica.
Camilo Fernández
Sociólogo, especializado en dinámicas comunitarias e procesos participativos.
Andrea González Pereira
Doutora en lingüística, con ampla experiencia docente e en investigación toponímica.
Helena Gil Vázquez
Arqueóloga, especializada en prospeccións arqueolóxicas, informes técnicos e difusión do patrimonio arqueolóxico.
Emilio Rodriguez Otero e Cristina Rocha Novoa
ambos dedicados á creación e produción de contido audiovisual e fotográfico.
Esta colaboración multidisciplinar asegura que todas as áreas dos nosos proxectos están cubertas co máximo nivel de especialización e dedicación, contribuíndo así ao éxito dos nosos clientes e ao desenvolvemento sustentable das comunidades rurais.
